Larramendi Ikastetxea

Gauzak egiteko beste modu bat; Maitatu, ulertu, hobetu.

Ebangelioen mezua egunera ekarriz, ulertzen dugu gure komunitatean bizi den pertsona orok bere burua, ingurukoak, eskola, gizartea eta oro har mundua maitatzen, ulertzen eta hobetzen saiatu behar duela. Gure 0-18 urte bitarteko proiektuan elementu hauek honela itzuli ditugu hezkuntzako hizuntzara: inklusioa, transferentzia eta ahalduntzea.

Inklusioa lortzeko marko pedagogiko dialogikoan oinarritu gera etapa guzietan eta ondorioz, gure klaseetan heldu anitz dago ikasketa prozesuan lagutzen: irakasle anitz, praktiketako irakasleak, ikasle ohiak, familietako boluntarioak… Ikaskuntzak, eskolako protokoloek eta arauek, gatazken aurrean hartutako neurriek eta eskolan gertatzen den orok zentzua izan behar du ikaslearentzat. Zentzu hau eraiki egiten da eta horretarako dialogoaren bitartez adostasuna bilatu behar da. Horregatik klase magistraletatik ihes egin eta heldu anitzek zaintzen dituzten talde elkar-eragileetan lan egitea erabaki dugu.

Eskolatik kanpora gertatzen diren egoerei aurre egiteko behar diren gaitasunak barneratu behar ditu ikasleak (bereziki digitala, eleanitza eta pertsonala, soziala eta ikasten ikastekoa…). Hau, transferentzia moduan ulertu dugu eta bermatzeko, etapa guztietan gauzatuko dira erronketan oinarritutako proiektuak.

Ahalduntzea bermatzeko, berebizikoa da jarraipen indibidualizatua. Jarraipen honek, baina, hainbat alde izango ditu. Batetik, ebaluazio formatiboaren bitartez, ikasleari egindako lanaren azterketa itzuliko zaio. taldekoa eta indibiduala. Honetaz gain, hainbat tresna sortu ditugu meta-ikasketa eman dadin eta ikasleek koebaluazioaren eta autoebaluazioaren bitartez ikasten eta taldean lan egiten ikas dezaten. Azkenik, jarraipena hobea izatera aldera, irakasleek lanaldi osoa kurtso bakarrean ematen dute, irakasle ekipo txiki eta koordinatuak eratuz.

Aurkezpen bideoa ikusi.