Ikasle, familia eta ikastetxeentzako informazioa, Covid-19ren krisiaren aurrean
Pandemia honek hezkuntza sistema osoan eta Kristau Eskolako ikastetxe bakoitzean, eta irakasleen, ikasleen eta, jakina, familien egunerokoan sortutako egoerak dakarren erronkaz jabetzen gara.
Une honetan, erronka zaila dugu, ezbairik gabe, hezkuntza mailan. Proba bat da, gure jarduera berrasmatzea eskatzen duena, aparteko testuinguru honetan Kristau Eskolaren haur guztien prestakuntza beharrei erantzuteko. Elkarrekin egingo diogu aurre erronka honi, eta elkarrekin gaindituko dugu.
Halere, prestakuntza akademikoaz harago, gaur, beste inoiz baino gehiago, zentzua hartzen du munduaz eta gizarteaz dugun ikuspegiak. Gurea balioetan oinarritutako hezkuntza bat bada, egoera honek, zalantzarik ez izan, probatuko ditu. Elkartasunak, komunitate sentimenduak, erantzukizunak, inplikazioak… presente egon behar dute egun hauetan. Gainera, Pastoralaren proposamenen bidez, gure aletxoa jarri nahi dugu guztiok indartzeko momentu hauetan.
Ongi pentsatuz gero, egoera hau aukera bat da zuen seme-alabak pertsona oso gisa hazteko. Horrez gain, haziko dira ere erantzukizun pertsonalean, ordenan eta denbora aprobetxatzeko ohituretan. Egun hauek, azken batean, familiako bizitza indartzen ere lagunduko digute.
