ES299 Kristau Eskola zentro baimenduaren arauak
- ES299 Cambridgeko Unibertsitateak baimendutako zentro aztertzailea da eta, beraz, arautegi guztia unibertsitate horretatik dator.
- Hori dela eta, behin matrikula burutu eta gero, ES299 Zentroak ez du dirurik itzuliko. Gaixotasun kasuetan, eta dagokion mediku-ziurtagiri ofiziala aurkeztu ondoren, ES299-k tramitatuko du diru-itzuleraren eskaera; Cambridge ESOL da erabakia hartuko duena.
- Azterketari batek moldatutako materiala behar izanez gero (adibidez, Braillen), entzuteko zailtasunak sufritzen baditu edo edozein beharrizan berezi baldin badu, izen-ematea gauzatzean horien berri ematea eskatzen dizuegu. Era berean, azterketa-data baino lehenago proba egiteko edozein oztopo suertatzen bazaio (esaterako, idazteko trabak beso baten apurketaren ondorioz), lehenbailehen jakinaraztea eskatzen dizuegu, egokitutako sistemak prestatzeko.
- Azterketa-maila gehienetan, azterketariari argazkia aterako zaio, ezinbestean. Argazkirik atera ezean, Cambridge Englishek emaitza ez argitaratzeko eskubide osoa dauka, aipatutako arautegiari jarraituta.
- Ezarritako ordutegiak ez dira aldatuko. Egokitu zaien egun eta lekuan ahozko probara joaterik ez daukaten azterketariek aukera izango dezakete atal hori beste azterketa-leku batean egiteko, ezintasunaren arrazoia ziurtagiri ofizialeren bitartez azaltzen badute.
- Azterketak Cambridgeko Unibertsitatearenak dira eta, egindakoan, azterketariak ezin izango ditu ikusi; halere, ES299 Zentroaren bitartez, azterketa-errebisioa eskatu ahal izango da, Cambridgek ezarritako tasak ordaindu eta gero. ES299 Zentroa bitartekaria baino ez da izango, azterketaria eta unibertsitatearen artean.
- Azterketariak euren ordutegiak (Confirmation of Entry edo COE) hartzera joan beharko dira matrikula egin duten ikastetxera, ahozko azterketarako epearen hasiera-data baino aste bat lehenago. Azterketa-maila bakoitzak hasiera-epea desberdina du; goiko taulan agertzen dira aipatutako epeak.
- Ahozko azterketarako epearen hasiera baino aste bat lehenago, ordutegiak eman ez bazaizkio, azterketaria ES299 zentroarekin kontaktuan jarri beharko da, honako helbidean; aanitua@kristaueskola.eus edo 630 53 80 76 telefonora deituz.
- Azterketariaren ardura da titulua jasotzea matrikula egin zuen ikastetxean; emaitzak argitaratu eta sei astera egongo dira tituluak eskuragarri. Horiek jasotzeko epea 6 hilabetekoa izango da, zentrora heldu ziren egunetik hasita. Epea igarotakoan, Kristau Eskolaren egoitzan jaso beharko dira (Santesteban Musikaria 3,2. Donostia). Agiriak ordezkaezinak direnez, ez dira postaz bidaliko.
- Matrikulak dagokion deialdirako soilik balio du, ez dira hurrengo deialditarako matrikulak gordeko. Azterketa egiteko beharrezko kandidatuen kopurura heldu ezean, maila hori ez da egingo eta matrikularen zenbatekoa itzuliko da.
- Kristau Eskola ES299 Zentroak ez ditu bere gain hartuko azterketariak arau hauek ez jakiteagatik sortutako arazoak.
Izen ematea
ONLINE MATRIKULA EGITEKO BALDINTZAK:
- ES299 Kristau Eskola zentro baimenduaren arauak onartu
- Matrikulazioa egiterakoan, webgunean azaltzen diren urratsak jarraitu
OHIZKO MATRIKULA EGITEKO BALDINTZAK:
- ES299 Kristau Eskola zentro baimenduaren arauak onartu.
- Izen emate inprimakia behar bezala bete.
- DNIaren fotokopia
- Abonu-agiria. Diru sartzea Kristau Eskolako kontu korronte honetan egin behar da:
ES72 3008 0146 76 3091685226 (Caja Rural Navarra)
Matrikulak korreo urgentez bidali behar dira izena emateko epea bukatzen den azken egun berean, hurrengo helbidera:
Beatriz Zabaleta
Santa Elena , 12-1º dcha.
48280 Lekeitio, Bizkaia